لتصبح رائحة بشرتك مثل البيبي

1..علبة زيت بيبي اويل جونسن
2..علبة كريم بيبي لوشن جونسن نفس الحجم
3..اي مخلط عندك او مسك او ورد
ملاحظه(دهن عود لا لانه يتفاعل معاه ويعفن ريحته) الطريقه:
اول شي تجيبين علبة زيت بيبي اويل تكون نصفها بس النص الاول تصرفي فيه زي ماتبين
بيبي لوشن نفس الشي نص العلبه يكون لازم هو والزيت نفس الحجم
تحطين البيبي لوشن على الزيت في علبة الزيت لحد ماتمتلي وتحطين مقدار ملعقة اكل صغيره اي مخلط عندك او مسك انا حطيت مخلط من اجمل
وتخلطينهم مع بعض بقوه لانهم مابيتداخلون بسرعه الزيت واللوشن والمخلط
رجيهم لحد ماتحسي انهم خلاص تداخلوا في بعض
بعد كذا اهم خطوه تحطينها بمكان مظلم لمدة 3 او 4 ايام مكان تضمنين مايدخله نور ابدا ابدا تحت ملابسك درج ماراح تفتحيه اهم شي يظل بالظلام عشان تتماسك الروايح ببعض
بعد الايام اللي انتظرتيها خذي لك دش حلو واطلي وطلعي الخلطه طبعا بتشوفين ان الزيت طلع فوق اللوشن تحت عادي رجيهم قبل الاستخدام وادهني فيها جسمك كله وهو رطب مو ناشف مره ولامبلل مره يعني البسي روبك وشيليه بسرعه يدوب يمتص قطرات المويه وادهني جسمك كله وبخري شعرك وربي تحسين احساس رائع من جد وبخري شعرك اذا تبين والبسي ملابسك وشوفي كيف بتمسك فيك الريحه ....


النتيجه حلوه

وان شالله تعجبكم الطريقه